Аб уручэнні Паслом Беларусі А.Агароднікавым даверчых грамат Прэзідэнту Узбекістана
06.03.2025 г.6 сакавіка 2025 г. Надзвычайны і Паўнамоцны Пасол Рэспублікі Беларусь у Рэспубліцы Узбекістан Аляксандр Агароднікаў уручыў даверчыя граматы Прэзідэнту Рэспублікі Узбекістан Шаўкату Мірзіёеву.
Прэзідэнт Узбекістана павіншаваў Пасла Беларусі з уступленнем на пасаду і пажадаў паспяховай работы. Ён адзначыў, што апошнія гады на якасна новы ўзровень выйшла ўзбекска-беларускае супрацоўніцтва, у тым ліку з улікам дамоўленасцей, дасягнутых у ходзе афіцыйнага візіту ва Узбекістан Прэзідэнта Беларусі Аляксандра Лукашэнкі ў лютым 2024 года.
Суразмоўцы абмяняліся думкамі па пытаннях далейшага развіцця палітычнага, гандлёва-эканамічнага і гуманітарнага супрацоўніцтва, спыніліся на перспектыўных напрамках далейшага пашырэння ўзаемадзеяння дзвюх краін, а таксама на запланаваных у бягучым годзе важных двухбаковых мерапрыемствах.
У прыватнасці, была адзначана важнасць нарошчвання кааперацыі ў сферы сельскай гаспадаркі, электратэхнічнай, лёгкай прамысловасці, будаўніцтва і ЖКГ. Акрамя таго, акцэнт зроблены на развіцці міжрэгіянальных сувязей, умацаванні супрацоўніцтва ў сферы адукацыі і аховы здароўя.
