Аб удзеле Пасла Беларусі Л.Марыніча ў закладцы Цэнтральнага парка на тэрыторыі Новага Ташкента
20.03.2023 г.18 сакавіка 2023 г. Надзвычайны і Паўнамоцны Пасол Рэспублікі Беларусь у Рэспубліцы Узбекістан Леанід Марыніч напярэдадні вясновага свята Наўруз прыняў удзел у закладцы Цэнтральнага парка на тэрыторыі Новага Ташкента.
Мерапрыемства праводзілася ў рамках агульнанацыянальнай праграмы «Яшыл макон» («Зялёная прастора»), якая праводзіцца ва Узбекістане, і новага праекта па стварэнні «Зялёнага пояса Ташкента», які толькі стартаваў.
У акцыі па пасадцы дрэў прынялі ўдзел прадстаўнікі грамадскасці і дыпламатычнага корпуса, вышэйшае кіраўніцтва Узбекістана. У рамках мерапрыемства адбылася кароткая гутарка пасла Беларусі з Прэзідэнтам Рэспублікі Узбекістан Шаўкатам Мірзіёевым.
