Аб удзеле Пасла Беларусі Л.Марыніча ў Міжнароднай канферэнцыі «Адзінай памяці верныя»
28.03.2024 г.28 сакавіка Пасол Беларусі ва Узбекістане Леанід Марыніч прыняў удзел у рабоце Міжнароднай навукова-практычнай канферэнцыі «Адзінай памяці верныя», якая прымеркавана да 80-годдзя вызвалення Беларусі ад нямецка-фашысцкіх захопнікаў.
Канферэнцыя праводзілася 27-28 сакавіка 2024 г. у Беларускім дзяржаўным музеі гісторыі Вялікай Айчыннай вайны як у вочным, так і ў анлайн-фармаце. Яе мэта — паказ адзінства народаў краін СНД у барацьбе супраць нямецка-фашысцкіх захопнікаў на тэрыторыі Беларусі, а таксама іх агульнага ўкладу ў Вялікую Перамогу.
Пасол Беларусі звярнуўся да ўдзельнікаў канферэнцыі з прывітальным словам, у якім нагадаў аб незлічоных ахвярах і гераізме беларускага народа ў гады Вялікай Айчыннай вайны, злачынствах нацыстаў на беларускай зямлі. Ён адзначыў, што сумесная барацьба з агульным ворагам стала яркім прыкладам згуртавання і аб'яднання намаганняў усіх брацкіх народаў ССС Р.Л. Марыніч падкрэсліў, што ў ліку воінаў і партызан, якія змагаліся за вызваленне Беларусі, было шмат выхадцаў з Узбекістана, памяць аб іх беражліва захоўваюць і шануюць у нашай краіне. Ён таксама адзначыў, што Узбекістан стаў другім домам для многіх нашых суайчыннікаў у час эвакуацыі ў гады вайны, сярод якіх — вялікі беларускі паэт Якуб Колас.
З узбекскага боку ў мерапрыемстве прынялі ўдзел вядучыя эксперты і спецыялісты Музея Славы мемарыяльнага комплексу «Парк Перамогі» г.Ташкента і прадстаўнікі Цэнтра народнай дыпламатыі ШАС ва Узбекістане.
