Аб удзеле Пасла Беларусі ва Узбекістане Л.Марыніча ў адкрыцці тэлеканала AGRO TV
22.12.2022 г.20 снежня 2022 г. Надзвычайны і Паўнамоцны Пасол Рэспублікі Беларусь у Рэспубліцы Узбекістан Леанід Марыніч прыняў удзел ва ўрачыстай цырымоніі адкрыцця новага спецыялізаванага інавацыйнага тэлеканала “AGRO TV”.
Л.Марыніч звярнуўся з прывітальным словам да прысутных, павіншаваў супрацоўнікаў тэлеканала і ўсіх работнікаў у сферы сельскай гаспадаркі і харчавання са з'яўленнем уласнага прафесійнага СМІ.
У мерапрыемстве таксама прынялі ўдзел намеснік Міністра сельскай гаспадаркі Узбекістана Алішэр Тураеў, кіраўнік тэлеканала “AGRO TV” Азіз Набіханаў, прадстаўнікі ФАО, супрацоўнікі аграрнага сектара, прадстаўнікі мясцовых і замежных СМІ.
Тэлеканал “AGRO TV” актыўна працуе па ўстанаўленні партнёрскіх сувязей, у тым ліку з тэлеканаламі Беларусі і іншых краін, якія асвятляюць аграрную праблематыку. Раней Л.Марыніч правёў сустрэчу і даў інтэрв'ю галоўнаму рэдактару тэлеканала “AGRO TV”.